01
საგარანტიო მომსახურება
ყველა ბრენდზე მოქმედებს ინდივიდუალური გარანტია, რაც მოიცავს უფასო შეკეთებას და სათადარიგო ნაწილებს, თუ დაცულია გამოყენებისა და მონტაჟის წესები.
მერლონსი გთავაზობთ ექსკლუზიურ შეთავაზებას. გარანტიისთვის ჩეკისა და ყუთების შენახვა არ გჭირდებათ — მხოლოდ თქვენი პირადი ნომერია საჭირო.
რას ფარავს და რას არ ფარავს გარანტია
რას ფარავს გარანტია
- პროდუქტის ან მასალის დეფექტი: ხარვეზი, რომელიც გამოწვეულია პროდუქტის დამზადების პროცესში დაშვებული შეცდომით, გამოყენებული მასალის ხარისხობრივი დეფექტით ან პროდუქტის კონსტრუქციული ხარვეზით.
- ნორმალური და დანიშნულებისამებრ გამოყენებისას გამოვლენილი ფუნქციური ხარვეზი: როდესაც მომხმარებელი პროდუქტს სწორად და მისი დანიშნულების შესაბამისად იყენებს, თუმცა პროდუქტი ვერ ასრულებს მისთვის განკუთვნილ ფუნქციას ან ვლინდება ისეთი ხარვეზი, რომელიც მომხმარებლის მიერ არ არის გამოწვეული.
რას არ ფარავს გარანტია
- არასწორი მონტაჟი: თუ მონტაჟი მერლონსის გუნდის მიერ არ შესრულებულა და დაზიანება არასწორ მონტაჟს უკავშირდება.
- არასწორი ან არადანიშნულებისამებრ გამოყენება: პროდუქტის არასწორი ან მისი დანიშნულების შეუსაბამო გამოყენებით გამოწვეული დაზიანება.
- შეუსაბამო ან აგრესიული ქიმიური ნივთიერებები: პროდუქტის ზედაპირზე ან შიგნით ქიმიური ნივთიერებებისა და ხსნარების გამოყენებით გამოწვეული დაზიანება.
- მექანიკური დაზიანება ან არასწორი მოპყრობა: დარტყმით, მექანიკური დაზიანებით ან არასწორი მოპყრობით გამოწვეული პრობლემა.
- ბუნებრივი ცვეთა: პროდუქტის ბუნებრივი ცვეთით გამოწვეული ცვლილება ან დაზიანება.
- თვითნებური შეკეთება, დაშლა ან გადაკეთება: მომხმარებლის ან მესამე პირის მიერ პროდუქტის თვითნებური შეკეთებით, დაშლით ან გადაკეთებით გამოწვეული პრობლემა.
- მოვლისა და ექსპლუატაციის წესების დარღვევა: პროდუქტის მოვლისა და ექსპლუატაციის წესების დარღვევით გამოწვეული დაზიანება.
