საგარანტიო პირობები

მერლონსი გთავაზობთ ექსკლუზიურ შეთავაზებას. გარანტიისთვის ჩეკისა და ყუთების შენახვა არ გჭირდებათ — მხოლოდ თქვენი პირადი ნომერია საჭირო.

ქვემოთ მოცემულია მერლონსის საგარანტიო პირობები: რას ფარავს გარანტია, რას არ ფარავს იგი, როგორ ხდება საგარანტიო მომსახურება და რა ვადები მოქმედებს.

რას ფარავს გარანტია

• პროდუქტის ან მასალის დეფექტი: ხარვეზი, რომელიც გამოწვეულია პროდუქტის დამზადების პროცესში დაშვებული შეცდომით, გამოყენებული მასალის ხარისხობრივი დეფექტით ან პროდუქტის კონსტრუქციული ხარვეზით.
• ნორმალური და დანიშნულებისამებრ გამოყენებისას გამოვლენილი ფუნქციური ხარვეზი: როდესაც მომხმარებელი პროდუქტს სწორად და მისი დანიშნულების შესაბამისად იყენებს, თუმცა პროდუქტი ვერ ასრულებს მისთვის განკუთვნილ ფუნქციას ან ვლინდება ისეთი ხარვეზი, რომელიც მომხმარებლის მიერ არ არის გამოწვეული.

რას არ ფარავს გარანტია

• არასწორი მონტაჟი: თუ მონტაჟი მერლონსის გუნდის მიერ არ შესრულებულა და დაზიანება არასწორ მონტაჟს უკავშირდება.
• არასწორი ან არადანიშნულებისამებრ გამოყენება: პროდუქტის არასწორი ან მისი დანიშნულების შეუსაბამო გამოყენებით გამოწვეული დაზიანება.
• შეუსაბამო ან აგრესიული ქიმიური ნივთიერებები: პროდუქტის ზედაპირზე ან შიგნით ქიმიური ნივთიერებებისა და ხსნარების გამოყენებით გამოწვეული დაზიანება.
• მექანიკური დაზიანება ან არასწორი მოპყრობა: დარტყმით, მექანიკური დაზიანებით ან არასწორი მოპყრობით გამოწვეული პრობლემა.
• ბუნებრივი ცვეთა: პროდუქტის ბუნებრივი ცვეთით გამოწვეული ცვლილება ან დაზიანება.
• თვითნებური შეკეთება, დაშლა ან გადაკეთება: მომხმარებლის ან მესამე პირის მიერ პროდუქტის თვითნებური შეკეთებით, დაშლით ან გადაკეთებით გამოწვეული პრობლემა.
• მოვლისა და ექსპლუატაციის წესების დარღვევა: პროდუქტის მოვლისა და ექსპლუატაციის წესების დარღვევით გამოწვეული დაზიანება.
• ფილტრის არარსებობა: სანტექნიკურ მოწყობილობებზე გარანტია არ მოქმედებს, თუ ცენტრალურ მილზე არ არის დაყენებული ფილტრი და არც ფილტრიანი შუალედური ონკანებია გამოყენებული.

საგარანტიო მომსახურება

• ქარხნული დეფექტი პირველ შვიდ სამუშაო დღეში: თუ ნივთს შეძენიდან 7 სამუშაო დღის ვადაში აღმოაჩნდა ქარხნული დეფექტი, შეცვლის მიზნით მომხმარებელმა იგი მაღაზიაში უნდა წარადგინოს სრული კომპლექტაციით და დაზიანების გარეშე.
• უფასო შეკეთება: საგარანტიო მომსახურება გულისხმობს ნივთის უფასო შეკეთებას და მოიცავს როგორც სამუშაოს, ისე სათადარიგო ნაწილების ღირებულებას.
• დეტალის შეკვეთის ვადა: დაზიანებული დეტალის შეკვეთას, ჩამოტანასა და შეცვლას შეიძლება დასჭირდეს შესაკეთებელი ნივთის მაღაზიაში წარდგენიდან 20-დან 45 სამუშაო დღემდე.

საგარანტიო ვადები

ცხრილში მოცემულია პროდუქტის ჯგუფისა და ბრენდის შესაბამისი საგარანტიო პერიოდი.